Երկուշաբթի, 20 ապրիլի, 2026 թ.
|
Ստեփանակերտում`   +8 °C

Ռուսներն էլ են դեմ. այս գաղտնալսումն ընդամենը ծիծեռնակն է՝ հասկացնում են նրանք. «Ժամանակ»

Ռուսներն էլ են դեմ. այս գաղտնալսումն ընդամենը ծիծեռնակն է՝ հասկացնում են նրանք. «Ժամանակ»
530
Հինգշաբթի, 13 սեպտեմբերի, 2018 թ., 09:30

«Ժամանակ»-ը գրում է. ««Ժամանակ»-ի տեղեկություններով՝ Ռուսաստանի իշխանությունները կտրուկ դեմ են Հայաստանում արտահերթ խորհրդարանական ընտրությունների անցկացմանը:

ՌԴ նախագահ Վլադիմիր Պուտինը շարունակում է պնդել այն միտքը, որ Ռուսաստանը ճանաչում է 2017թ. խորհրդարանական ընտրությունները և դրա արդյունքում ձևավորված խորհրդարանի լեգիտիմությունը: Ավելին՝ ռուսները հասկացրել են, որ նախօրեին տարածված գաղտնալսումը ընդամենը ծիծեռնակն է այն քայլերի, որ Ռուսաստանը կարող է անել, եթե Հայաստանի իշխանությունները շարունակեն հակադրվել:

ՀՀԿ-ն և հատկապես Ռոբերտ Քոչարյանը ռուսական իշխանությունների այս դիրքորոշումը համարում են իրենց անձնական հաղթանակը: Մյուս կողմից՝ ակնհայտ է, որ եթե այս ԱԺ-ն չլուծարվի և մինչև 2019թ. հունիս տեղի չունենան ընտրություններ, հեղափոխական իշխանությունների և հեղափոխական մյուս ձեռքբերումների տապալումը խորհրդարանում մեծամասնություն ունեցող ՀՀԿ-ի համար կլինի մի կում ջուր խմելու նման մի բան»:

Մանրամասները՝ թերթի համարում: