«Վարչապետի թեկնածու չառաջադրելու հարցում պայմանավորվածություն ձեռք չի բերվել». Արմեն Աշոտյան

ՀՀԿ-ականները հայտարարում են, որ վարչապետի թեկնածու չառաջադրելու հարցում երեկ պայմանավորվածություն ձեռք չի բերվել: «Երեկ պայմանավորվածություն չէր կարող ձեռք բերվել, որովհետև իրազեկում ձևաչափը չէր կարող ենթադրել պայմանավորվածություն: Խոսել պայմանավորվածությունների մասին՝ ավելի քան ավելորդ է ու ոչ տեղին»,- լրագրողների հետ զրույցում ասել է ԱԺ ՀՀԿ խմբակցության պատգամավոր Արմեն Աշոտյանը:

Արդեն հայտնել էինք, որ ՀՀԿ-ն առաջարկել էր վարչապետի թեկնածու չառաջադրել՝ ընտրությունները մայիսին անցկացնելու դեպքում: Մինչդեռ Նիկոլ Փաշինյանը հանրահավաքի ժամանակ հայտարարել էր, որ ընտրություններն անցկացվելու են ամենաուշը դեկտեմբերին: