«Իմ տեղեկություններով արդեն կան բերման ենթարկվածներ». Նիկոլ Փաշինյան

«Երեկ, երբ շփվում էինք ՀՀԿ-ականների հետ ու երբ մտա Աժ նախագահի աշխատասենյակ, ՀՀԿ մեր գործընկերներն ու ոչ միայն ՀՀԿ-ն, բավականին հուզված էին: Ես ամեն ինչ արեցի, որ լարվածությունն անցնի, նույնիսկ կատակներ արեցի: Բայց, ուզում եմ շեշտել՝ մեր ժպիտներն ու քաղաքավարությունը որևէ մեկը չփորձի մեկնաբանել որպես թուլություն»,- Աժ-Կառավարություն հարցուպատասխանի ժամին հայտարարեց Նիկոլ Փաշինյանը:

Անդրադառնալով Միհրան Պողոսյանի ու Արայիկ Գրիգորյանի վերաբերյալ մամուլում տարածված տեսանյութին, վարչապետն ասաց. «Քննությունը կպարզի դա... Երեկ զգացի, որ առավել մեծ ջանքեր են պահանջվում ինձնից, որպեսզի մեր հայրենակիցներին հասանելի դարձնեմ իմ խնդրանքները ու հորդորները, որ ԱԺ պատգամավորների ու հատկապես ՀՀԿ-ի նկատմամբ ցուցաբերեն հանդուրժողական վերաբերմունք: Այս առումով, կարծում եմ, իսկապես ունենք պրոբլեմ: Բայց եթե պարզվի, որ որևէ ՀՀԿ-ական, ոչ ՀՀԿ-ական, կապ չունի, որևէ պատգամավոր կամ նրան ուղեկցող անձինք, այդպիսի պահվածք են ցուցաբերում, կստանան խիստ հակահարված: Իրավապահները պետք է կտրուկ գործեն, ու իմ տեղեկություններով այդ գործով արդեն կան բերման ենթարկվածներ»: