Ֆրանսիայի դեսպանը կանչվել է Ադրբեջանի ԱԳՆ

Ադրբեջանում Ֆրանսիայի դեսպան Աուրելիա Բուշեն կանչվել է Ադրբեջանի ԱԳՆ:

Նրան բողոքի նոտա են հանձնել՝ կապված Սենտ Էտյենի քաղաքապետի՝ «առանց Բաքվի թույլտվության» Արցախ կատարած այցի հետ:

Ադրբեջանի ԱԳՆ-ի հայտարարության մեջ ասվում է, որ «Ֆրանսիայի ներկայացուցիչների քայլերին իրավական և քաղաքական գնահատական է տրվել»:

«Ադրբեջանում Ֆրանսիայի դեսպանը երեքշաբթի կանչվել է ԱԳՆ: Նրան դժգոհություն են հայտնել՝ կապված Ֆրանսիայի ներկայացուցիչների որոշակի քայլերի հետ, որոնք վնաս են հասցնում Ադրբեջանի շահերին և տարածքային ամբողջականությանը»,- ասվում է հայտարարության մեջ: