«Լուծեք Ղարաբաղի հարցը». Բոլթոնը դիմել է հայերին

Ղարաբաղյան հակամարտության կողմերը պետք է ինքնուրույն հասնեն կարգավորման: Այս մասին այսօր Երևանում տեղի ունեցած մամուլի ասուլիսի ժամանակ հայտարարել է ԱՄՆ նախագահի ազգային անվտանգության հարցերով խորհրդական Ջոն Բոլթոնը:

«Հարցի լուծումը բարդ է: Եթե այն հեշտ լիներ, ապա հակամարտությունը վաղուց կարգավորված կլիներ: Ես այստեղ չեմ եկել ամերիկյան քաղաքականությունում փոփոխություններ կատարելու կամ նոր որոշումներ առաջարկելու համար: Կողմերը պետք է աշխատեն միմյանց հետ: Եվ կողմերը պետք է ինքնուրույն որոշում կայացնեն»,- ասել է նա:

Բոլթոնի խոսքով՝ «ոչ ոք այնքան խաղաղություն չի ուզում, որքան կողմերը»:

Պատասխանելով այն հարցին, թե ինչ փաստաթուղթ է դրված լինելու բանակցային սեղանին, Բոլթոնն ասել է, որ չի ցանկանում ժամանակից առաջ ընկնել:

Բացի այդ, Բոլթոնը նշել է, որ եթե Նիկոլ Փաշինյանը հաղթի ընտրություններում, ապա դա լավ հնարավորություն կլինի՝ Լեռնային Ղարաբաղի հակամարտության կարգավորման հարցում վճռորոշ քայլերի դիմելու համար: