Երեքշաբթի, 20 նոյեմբերի, 2018 թ.
|
Ստեփանակերտում`   +8 °C

«Որևէ նախարար նման անտարբեր վերաբերմունք դեպի վիրավոր զինվորը չի ունեցել». բաց նամակ

«Որևէ նախարար նման անտարբեր վերաբերմունք դեպի վիրավոր զինվորը չի ունեցել». բաց նամակ
436
Երեքշաբթի, 30 հոկտեմբերի, 2018 թ., 00:20

Վիրավոր զինվորի մայր Արմինե Ղազարյանը բաց նամակ է գրել առողջապահության նախկին ու ներկա նախարարների մասին. «Արմեն Մուրադյանն առաջին օրվանից հարազատ եղբոր, հոր պես կանգնած է եղել մեր ընտանիքի կողքին: Մինչ բոլոր պաշտոնյաները ասում էին, որ օրենքը իրենց թույլ չի տալիս օգնել մեզ, այս մարդը ուղիղ 2 տարի պահեց մեզ: Ջնջեց բոլոր օրենքները ու օգնեց:

Այն ամենն ինչ ինքն է արել իմ և իմ նման հարյուրավոր մայրերի համար միայն մենք գիտենք: Ամեն գործ թողում ու գալիս էր մեզ մոտ, երբ ասում էին որ Ալբերտը լավ չէ: Զրուցում էր, ուժ տալիս:

Այսօր առողջապահության նախարարի ասուլիսը տեսա: Նախարար, որ բացի գրավոր մերժումից որևէ այլ բան չի արել տղայիս ու իր նման հարյուրավոր տղաների համար: Մինչ Ալբերտն անվճար սովորում էր տնտեսագիտական համալսարանում: Դիմում գրեց, կամավոր տարկետում վերցրեց ու եկավ պաշտպանելու հայրենիք:

Այսօր նախարար համարվող այս մարդն անգամ դեղորայքի հարցը չի օգնում լուծենք ու իր ասուլիսի ժամանակ առանց խորանալու ասում է, մենք չենք տրամադրում դեղորայք: Մենք ամուր կանգնած ենք Արմեն Մուրադյանի կողքին, ինչպես ինքը մեր կողիքն:

Նաև նշեմ, որ երբ մեր տղաները ուզում էին ցույց անել կամ բողոքել իր համար վարչապետին, ամիսներ շարունակ Արմեն Մուրադյանն էր զսպում, ասելով որ նոր նշանակված մարդ է, ժամանակ է պետք, որ մարդը կարողանա հարցերը կարգավորել:

Այժմ ինքս էլ պաշտոնապես հայտարարում եմ, որ բոլոր նախարարությունների մեջ ամենաիներտ նախարարությունն է, որը ոչ մի կաթիլ սրտացավություն կամ պատասխանատվություն չի զգում մեր վիրավոր տղաների համար: Հարգելի պարոն Թորոսյան, քանի անգամ եք ինձ ընդունել, քանի անգամ եք Ալբերտիս հարցով զբաղվել: Տեղյակ եք, որ մենք կանք, ամեն օր դեղի գումար եմ մուրում, որ պարզապես տղաս ապրի: Այսօր խոսում էիք ինքնավստահ, մեղադրանքներ էինք հնչեցնում, եկեք զբաղվեք որդուս խնդիրներով, կարող եմ հրապարակել նամակաները, որոնք չոր ու ցամաք մերժել եք:

Որոշել ենք, ասուլիս ենք անելու ծնողներով, որ խնդրենք ձեզ զբաղվեք մեր հերոս տղաների առողջական խնդիրներով, որ հանկարծ ձեր զբաղված օրակարգի պատճառով ճակատագրական հետևանքներ չգրանցվեն: Ի դեպ, որևէ նախարարի պաշտոնավարման ընթացքում նման անտարբեր վերաբերմունք դեպի վիրավոր զինվոր չի գրանցվել»: