«Անկապ ծախսեր...». Արմեն Մովսիսյան

Երգիչ-երգահան Արմեն Մովսիսյանը ֆեյսբուքյան իր էջում գրել է. «Հայաստան հիմնադրամը փաստորեն նույն խութերին բախվեց ինչ նախորդների օրոք: Այդպես էլ այդ հիմնադրամը չկարողացավ բարեգործության համար հավաքված գումարների վերահսկելի մեխանիզմ մտածել: Անկապ ծախսեր՝ Հայաստանից եկած հրավիրյալ հյուրերի համար: Երևի «դու՝ ինձ, ես՝ քեզ» մեխանիզմը հենց այսպես է լավ աշխատում, բայց համահայկական անվանվելու համար պատճառ չունի այս հիմնադրամը, քանի աշխատոճը չի փոխվել ու դարձել ավելի հասկանալի: Դե ինչ, թող վաղը Հայաստան գումար հասնի, բայց աշխատոճը մեկ է ինձ համար կմնա անընդունելի: Եվ պիտի կրկնեմ այդ հիմնադրամը ապրել է իր կյանքը, իր թափանցիկության, վերահսկելիության, վերակառուցման ու համահայկական դառնալու ապարդյուն ջանքերը, այն արդեն վերակենդանացման ենթակա չէ: Այլ սկզբունքի կառույց է պետք մեզ՝ իսկապես, համահայկական, թափանցիկ, վերահսկելի, որպեսզի ամեն ներս ու դուրս եկող ցենտը լինի հաշվետվությամբ: Թե չէ, այսպես որոշեցինք՝ Հայաստանից էլի բերեցինք հեռուստամարաթոնի մասնակիցներ, ծախսերը հիմնադրամի վրա, լավ էլի... Մենք էլ, հենց հիմա, բառիս բուն իմաստով, ամեն դոլլար կուտակում ենք, որ սահմանին մի բան ավել հասցնենք անել, առանց ինքնաթիռով Հայաստան թռնելու: Չհավանեցի նոր ժամանակների այս հիմնադրամի հին ոճը»: