Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Եթե մենք Նախիջևանը չազատագրենք, ավերիչ պատերազմն անխուսափելի կլինի». Արա Պապյան

«Եթե մենք Նախիջևանը չազատագրենք, ավերիչ պատերազմն անխուսափելի կլինի». Արա Պապյան
608
Ուրբաթ, 23 նոյեմբերի, 2018 թ., 17:05

Դիվանագետ Արա Պապայանը ֆեյսբուքյան իր էջում գրել է. «Ոմանք ճգնում են Նախիջևանի ազատագրման գաղափարը ներկայացնել որպես պատերազմի գաղափար: Ճիշտ հակառակն է: Այն կայուն խաղաղություն հաստատելու և Երևանը, Հայաստանը փրկելու գաղափար է: Եթե մենք Նախիջևանը չազատագրենք՝ ԱՎԵՐԻՉ պատերազմը անխուսափելի կլինի: Եթե ձեզ թվում է, որ թյուրքերը առանձին հարձակողական բանակ, թուրքական հրահանգիչներ, հսկայական զորք և զենք են կուտակել Նախիջևանում շքերթի համար՝ սխալ եք: Դա արել են Երևանին և Արարատյան դաշտին խփելու համար:

Ուստի մեր ընտրությունը ինքնապաշտպանական, ԿԱՆԽԱՐԳԵԼԻՉ, համեմատաբար քիչ զոհերով պատերազմի և ԱՎԵՐԻՉ, թյուրքական առաջին հարվածից արնահոսող, պատերազմի միջև է:

Կատարիր ընտրությունդ հայ ժողովուրդ:

ՄԱԿ-ի Կանոնադրության 51-րդ հոդվածն ամարագրել է անհատական և հավաքական ինքնապաշտպանության անօտարելի իրավունքը:

Եկեք իրար չխաբենք: Հասկանում եմ, որ հարմարավետ ստի և ինքնախաբեության մեջ ապրելը հարմար է, քան դառը իրականությունն ընկալելը: Բայց, ցավոք սրտի, առանց իրականության ճիշտ ընկալման համարժեք արձագանքել հնարավոր չէ»: