«Այս գործում փողի պակաս չի զգացվելու». Երջանիկ Աբգարյան

ԳԽ և ԱԺ նախկին պատգամավոր Երջանիկ Աբգարյանը ֆեյսբուքյան իր էջում գրել է. ««Սուտն ինչքան բացահայտ լինի, այնքան համոզիչ է»,- ասում էր նացիզմի գաղափարախոս Գեբելսը: Ինչպես երևում է՝ այս օրերին քոչո-սեռժիկյան վարձու լրատվամիջոցներն ու ծախու նախկին գործիչները որոշել են այդ գեբելսյան ոճով արշավ սկսել ՀՀՇ-ի իշխանության և, մասնավորապես, առաջին նախագահ Լևոն Տեր-Պետրոսյանի դեմ: Նպատակը պարզ է՝ նրանք արդեն տեսնում և զգում են ղարաբաղյան կլանի պարագլուխների և սրանց տեղական լաքեյների ծանր և առանձնապես ծանր հանցագործությունների բացահայտման անխուսափելիությունը և դրանից բխող հետևանքները և այժմ փորձում են ստի, կեղծիքի և փողի
հեղեղով Ժողովրդի և իրավապահ մարմինների ուշադրությունը շեղել ներկա իրականության թիրախներից՝ դա ուղղորդելով իրենց պիղծ մտքի հորինած անցյալը: Այս գործում փողի պակաս չի զգացվելու՝ քանի որ քոչի ու սեռժոյի թալանած ու թալանվող միլիոններն ու միլիարդները դեռ փոքրանալու նշան ցույց չեն տվել»: