Ուրբաթ, 29 մարտի, 2024 թ.
|
Ստեփանակերտում`   +16 °C

«Ասեք Թրամփին, որ Թուրքիան մեր բարեկամը չէ». կոնգրեսականը կոչ է արել ճանաչել Հայոց ցեղասպանությունը

«Ասեք Թրամփին, որ Թուրքիան մեր բարեկամը չէ». կոնգրեսականը կոչ է արել ճանաչել Հայոց ցեղասպանությունը
2156
Հինգշաբթի, 14 փետրվարի, 2019 թ., 12:50

ԱՄՆ կոնգրեսական Բրեդ Շերմանը՝ ելույթ ունենալով Ներկայացուցիչների պալատում, հարց է ուղղել ԱՄՆ նախագահ Դոնալդ Թրամփի՝ Վենեսուելայի գծով հատուկ հանձնակատար Էլիոթ Աբրամսին՝ վենեսուելական ճգնաժամի շուրջ Թուրքիայի դիրքորոշման և Հայոց ցեղասպանությունը ճանաչելու շուրջ Թրամփի վարչակազմի պատրաստակամության մասին:

Այս մասին Twitter-ի իր էջում հայտնել է ԱՄՆ Հայ դատի հանձնախումբը:

«Մեզ ասում էին, որ Թուրքիան մեր բարեկամն է, և այդ պատճառով պետք է աչք փակենք պատմության, Հայոց ցեղասպանության վրա: Կարո՞ղ եք համապատասխան աշխատանք կատարել վարչակազմի շրջանում, որպեսզի հասկանան, որ Թուրքիան մեր բարեկամը չէ, ինչպես հայտարարությամբ հանդես գալ այն մասին, որ դեմ չէ Հայոց ցեղասպանության ճանաչման բանաձևին»,- հանձնակատարին է դիմել կոնգրեսականը: