«Փնտրվում է արդարադատություն». Զարուհի Մեջլումյան

309

Ուրբաթ, 15 փետրվարի, 2019 թ., 14:15

Մհեր Ենոքյանի կինը՝ իրավապաշտպան Զարուհի Մեջլումյանը, ֆեյսբուքյան իր էջում գրել է. «Մի՞թե Կառավարության, նախագահական շենքերի դիմաց տասը տարուց ավելի կանգնող սևազգեստ մայրերը տուժողներ չեն։ Բանակում կասկածելի հանգամանքներում զոհված զինվորների մայրերն են, որոնք տարիներով չեն հասնում արդարադատության։ Նրանք չունեն ֆեյսբուքյան փիարշիկներ, ֆեյք-պաշտպաններ, հովանավորչություն, բարձր դիրք, որ մեկ ցուցմուքով մեկին ցմահ փակել տան։ Այս պարագայում, թերևս, պատասխանատվությունից դուրս մնացածներ են հովանավորյալ։ Հայկական ֆեոդալական իրականությունն է՝ ուժի իրավունքով և ոչ թե իրավունքի ուժով։ Այսինքն՝ երբ ուժեղը տուժողն է, 1 ցուցմունքով մեկին փակում են, երբ մեղադրյալն է ուժեղ, անպատիժ է մնում՝ անգամ երբ 100 ապացույց կա, որ հանցանք է գործել։ Եվ ուրեմն՝ փնտրվում է արդարադատություն»։