Իսրայելական Aeronautics-ը 13 միլիոն դոլարի պայմանագիր է կնքել Ադրբեջանի հետ

1934

Երկուշաբթի, 18 փետրվարի, 2019 թ., 14:55

Իսրայելական Aeronautics պաշտպանական ընկերությունը արտահանման արտոնագրերի վերականգնումից 2 շաբաթ անց հայտարարել է, որ բազմամիլիոնանոց մրցույթ է հաղթել և պայմանագիր է կնքել Ադրբեջանի հետ, հաղորդում «The Times of Israel»-ը:

Ընկերության հայտարարության մեջ ասվում է, որ 13 միլիոն դոլար արժողությամբ երկամյա պայմանագիրը նախատեսում է առանցքային հաճախորդին՝ Ադրբեջանին, նախկինում վաճառած Orbiter 1K «մահաբեր» անօդաչու թռչող սարքերի տեխնիկական սպասարկում:

Աղբյուրը նշում է, որ Orbiter 1K-ը կարող է 1-2կգ քաշով պայթուցիկ տանել, որը լցված է 4000 վոլֆրամի մասնիկներով: Իսկ բեկորներից առաջացած ամպն ունի ռադիուսը՝ մինչև 25 մետր: Orbiter 1K-ը կարող է գտնվել օդում 3 ժամ, այն հագեցած է ցերեկային և գիշերային պայմաններում աշխատող տեսախցիկով, տեսախցիկով համալրված սարքն արձակվում է կատապուլտով:

Ինչպես ավելի վաղ հայտնել էինք, Իսրայելի պաշտպանության նախարարությունը չեղարկել է նախկինում սահմանված արգելքն ու Aeronautics ընկերությանը թույլ տվել Ադրբեջանին վաճառել «մահաբեր» անօդաչու թռչող սարքերը: