Իսրայելը հերթական տեսանյութն է հրապարակել. այս անգամ «ոչնչացվում են» ռուսական ուղղաթիռները

Իսրայելական Israel Aerospace Industries (IAI) ավիաշինական ընկերությունը նոր տեսանյութ է հրապարակել, որում «ոչնչացվում են» ռուսական Ка-50 ուղղաթիռները, հաղորդում է «РИА Новости»-ն:

Գործակալությունը նշում է, որ ընկերության տարածած տեսագրությունում հավանական հակառակորդի ռազմատեխնիկան նման է սովետական կամ ռուսական արտադրության տեխնիկային:

Ինչպես ավելի վաղ հայտնել էինք, Իսրայելը նոր մահապարտ անօդաչու թռչող սարք է ներկայացրել, որը կարող է ոչնչացնել ռուսական С-300 և С-400 համալիրները: