Վրաստանի նախագահը կայցելի Ադրբեջան

Վրաստանի նախագահ Սալոմե Զուրաբիշվիլին փետրվարի 27-ին պաշտոնական այցով կմեկնի Ադրբեջան: Regnum-ի փոխանցմամբ՝ երկրի նախագահի պաշտոնում առաջին այցն է տարածաշրջան:

Ադրբեջանական լրատվամիջոցների փոխանցմամբ՝ երկօրյա այցի ընթացքում Զուրաբիշվիլին կհանդիպի պաշտոնատար մի խումբ անձանց հետ, կքննարկի երկկողմ համագործակցության ակտուալ հարցերը:

Ընդ որում, նշվում է, որ այցը տեղի կունենա «երկկողմ հարաբերությունների սառեցման ֆոնին»:

Հիշեցնենք, որ ավելի վաղ ադրբեջանական լրատվամիջոցները գրել էին, որ Ադրբեջանը կարող է կորցնել Վրաստանի գազի շուկայում մոնոպոլ դիրքը: Վրաստանի տնտեսության և կայուն զարգացման նախարար Գիորգի Կոբուլիան հայտարարել էր, որ Վրաստանում չեն բացառում Ռուսաստանից գազի գնումները վերականգնելու հնարավորությունը: