Ադրբեջանում բերման են ենթարկել «հայերի համար տեսանկարահանող» ՌԴ քաղաքացու

Ադրբեջանի Տերտերի շրջանի Բեյիմսարով գյուղում բերման է ենթարկվել ՌԴ քաղաքացի, Կրասնոդարի երկրամասի բնակիչ Ալու Ալամահմադի Իդիգովը, ով «տեսանկարահանել է հայերի համար», հաղորդում է Rusarminfo-ն:

Ադրբեջանական ԶԼՄ-ների հաղորդմամբ՝ Իգիդովն այցելել է Բեյիմսարով գյուղ, որտեղ լուսանկարել և տեսանկարահանել է հայ ընկերոջ համար:

Բերման ենթարկվելուց հետո ՌԴ քաղաքացին իրավապահներին ասել է, որ իր ընկերոջ մայրը մինչ ղարաբաղյան պատերազմն ապրել է այդ գյուղում և ցանկացել է տեսնել իր տունն ու գյուղը:

Հետաքննության արդյունքով՝ ոստիկանությունը ջնջել է տեսագրությունը, և ՌԴ քաղաքացին ազատ է արձակվել: