«Երևի իրեն դրել է մեր էպոսի Փոքր Մհերի տեղը». Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրել է. «Գրեթե մեկ տարի առաջ «Մերժիր Սերժին» կարգախոսով հազարավոր մարդիկ փողոց էին դուրս եկել, նրանք կարո՞ղ էին պատկերացնել, որ թավշյա հեղափոխությունից մեկ տարի անց Սերժ Սարգսյանը ոչ միայն բանտում չէ, այլև բազմանշանակ տոնով հայտարարում է, որ կգա ժամանակը և իր խոսքը հրապարակային կասի: Երևի իրեն դրել է մեր էպոսի Փոքր Մհերի տեղը, որ Ագռավաքարից մի օր դուրս է գալու՝ հանուն արդարության: 2008-2018թթ., 10 տարում Հայաստանում կատարված լավ ու վատի համար Սերժ Սարգսյանն է պատասխանատու: Այդ տարիներին կատարված հանցագործությունների համար նա որտե՞ղ և ե՞րբ է պատասխան տալու»: