Քաղցած հովազները հարձակվել են յոթամյա երեխայի վրա

3387

Կիրակի, 31 մարտի, 2019 թ., 15:30

Յոթամյա կանադացին ծանր վիճակում հայտնվել է հիվանդանոցում՝ 2 կատվառյուծի հարձակումից հետո: Դեպքը տեղի է ունեցել Կովիչին լճի մոտ՝ արգելոցի տարածքում: Գիշատիչները վնասել են երեխայի գլուխը, ձեռքերն ու պարանոցը: Նրան ծանր վիճակում հասցրել են Վանկուվերի հիվանդանոց:

Ավելի ուշ արգելոցի աշխատակիցները դեպքի վայրում նկատել են 2 կատվառյուծների ու սպանել նրանց: Ըստ ականատեսների՝ նրանք շատ նիհար ու հյուծված տեսք են ունեցել:

Կատվառյուծները կատվազգիների ամենախոշոր կենդանիներից են՝ առյուծներից, վագրերից ու հովազներից հետո: Մարդկանց վրա նրանք հարձակվում են ծայրաստիճան հազվադեպ: