Ինչո՞ւ են ՀՀԿ-ականները մեկնում Արցախ, և ե՞րբ կխոսի Սերժ Սարգսյանը. «Հրապարակ»

445

Երեքշաբթի, 02 ապրիլի, 2019 թ., 09:20

«Հրապարակ»-ը գրում է. «Այսօր, ապրիլյան պատերազմի 3-րդ տարելիցի առիթով, հանրապետականները մեծ պատվիրակությամբ՝ Էդուարդ Շարմազանով, Արտակ Զաքարյան, Մարգարիտ Եսայան և այլք, մեկնում են Արցախ, կհանդիպեն արցախյան ղեկավարության, քաղաքական ուժերի հետ, կայցելեն Թալիշ. պատվիրակությունը 3 տարի առաջ այս օրերին կրկին Թալիշ էր այցելել, որից հետո Շարմազանովը հայտարարել էր դրամահավաք՝ Թալիշը վերականգնելու համար:

Գնում եք տեսնեք ի՞նչ է արվել, թե՞ «պատասխան» այց է «Իմ քայլի» արցախյան այցին։ «Բացարձակապես. նախ՝ Թալիշում բավականին գործ է արվել այս ընթացքում, և հետո՝ այցը վաղուց էր պլանավորված»: Արդեն ակտիվացե՞լ եք։ «Ավելի ենք ակտիվանալու»: Իսկ Սերժ Սարգսյանը ե՞րբ կխոսի։ «Կխոսի, երբ իրավիճակը թելադրի, կարծում ենք՝ մայիս-հունիս ամիսների միջակայքում, Քաղաքացու օրը թող տոնեն՝ նոր»,- ասաց ՀՀԿ-ականը:

Մանրամասները՝ թերթի համարում: