«Հետո իմացա, որ Ապրիլյան պատերազմն անակնկալ չի եղել․․․»․ Արման Վարդանյան

Ռեժիսոր Արման Վարդանյանը ֆեյսբուքյան իր էջում կիսվել է Ապրիլյան քառօրյա պատերազմի իր հուշերով․ «2016-ի ապրիլի 2-ի վաղ առավոտ հեռախոս զանգեց, մի կերպ լսեցի ձայնը, սկզբից մտածեցի բուձիլնիկն է, հետո զգացի, որ շուտ է բուձիլնիկի համար։ Քնաթաթախ հեռախոսը վերցրեցի՝ Artem Poghosyan-էր։
- Էս դու քնած ե՞ս։
-Հա։
-Տեղյակ չէ՞ս։
-Ինչի՞ց։
- Կռիվա, թուրքերը հարձակվել են ու էլի, ինչ-որ բաներ ասեց, որը չեմ հիշում․․․
—————վակում գնաց, մի որոշ ժամանակ մտածում էի, հիմա չեմ հիշում ինչեր, բայց արագի մեջ շատ բաներ (ինչ-որ լիամետրաժ բան անցավ մի քանի վայրկյանում)
Ասի լավ արդեն վեր կացա։
Ինչքան էլ պատերազմի վտանգը գիտակցում էի, մեկա այդ պահին ինձ համար դա անսպասելի էր, հետո իմացա, որ Ապրիլյան պատերազմը անակնկալ չի եղել․․․
Ասածս ինչ է՝ անկախ ամեն ինչից իմացեք, որ ցանկացած առավոտ կարող եք նման զանգ ստանալ, մնացածը դուք գիտեք․․․»,- գրել է Արման Վարդանյանը։