Ուրբաթ, 19 հուլիսի, 2019 թ.
|
Ստեփանակերտում`   +18 °C

«Անգամ էդ դեպքում, Հայաստանը պետք է անընդհատ առարկայացնի իր ինքնապաշտպանության իրավունքը». Հակոբ Բադալյան

«Անգամ էդ դեպքում, Հայաստանը պետք է անընդհատ առարկայացնի իր ինքնապաշտպանության իրավունքը». Հակոբ Բադալյան
122
Հինգշաբթի, 04 ապրիլի, 2019 թ., 12:55

Քաղաքական մեկնաբան Հակոբ Բադալյանը ֆեյսբուքյան իր էջում գրել է. «Հայաստանում պացիֆիզմի քարոզը մոտավորապես նույնն ա, ինչ մարդուն ինքնապաշտպանության իրավունքից զրկելու քարոզը: Համաձայնեք, որ դա կլինի տարօրինակ: Իհարկե, Հայաստանում շատերը օգտագործում են «հայրենասիրությունը» որպես իրենց բուն էության վերջին հանգրվան, ինչպես կասեր հայտնի խոսքի հեղինակը: Բայց միևնույն ա, եթե ինչ որ մեկն ինքնապաշտպանության իրավունքն օգտագործում ա մանիպուլյատիվ նպատակներով, դա չի նշանակում, որ դրա դեմ պայքարը պետք ա լինի ինքնապաշտպանության իրավունքի դեմ քարոզն ու չեղարկումը, բոլորին այդ իրավունքից զրկելը: Հայաստանն իրենից երբեք ագրեսիա չի «արտահանել» ու չի «արտահանում»: Կդադարի՞ Ադրբեջանը սպառնալ խոսքով ու գործով, Հայաստանից չի լինի որևէ պատասխամ: Բայց, միաժամանակ, անգամ էդ դեպքում, Հայաստանը պետք է անընդհատ առարկայացնի իր ինքնապաշտպանության իրավունքը: Հակառակ դեպքում, պացիֆիզմը միայն թվացյալ խաղաղության քարոզ ա: Անգամ եթե արվում է խաղաղության հանդեպ անկեղծ նվիրումով, միևնույն ա, իրականում դա Ադրբեջանի ռազմատենչության լեգիտիմացման մի դրսևորում ա: Որովհետև էնտեղ ա պատերազմի սպառնալիքի աղբյուրը»: