«Իսկ ձեզ հետաքրքրո՞ւմ ա, որ ՊՆ-ի դիմաց 2 օր ա նախկին զինծառայողը հացադուլ ա անում». Ռոբերտ Անանյան

921

Շաբաթ, 06 ապրիլի, 2019 թ., 15:15

Լրագրող Ռոբերտ Անանյանը ֆեյսբուքյան իր էջում գրում է. «Ժողովուրդ, իսկ ձեզ հետաքրքրո՞ւմ ա, որ ՊՆ֊ի դիմաց 2 օր ա նախկին զինծառայողը հացադուլ ա անում։ Չէ, դե արդարության կողմնակից հասարակություն եք, դրա համար եմ հարցնում։

Մարդը առողջական խնդիրներ ունի, որոնք օրեցօր խորանում են։ Իհարկե, մյուս կողմից էլ հասկանում եմ՝ էսօրվա սռաչի մակերեսային թեմաները կան՝ Վանեցյանը ֆեյք ա բռնել։ Մոռացա նշեմ՝ նաև տրանսգենդեր եք գտել, քացու տակ գցելու գործ կա։ Կքննարկեք նման թեմաները կսպառվեն, բայց կարևոր բաները...

Գիտե՞ք՝ ինչու եմ հարցնում, դե որովհետև երկու օր առաջ Ապրիլյան պատերազմի 3֊րդ տարին էր, զինվորների մասին կենացներ էիք ձոնում, իսկ Դավիթով ոչ մեկդ չմտահոգվեցիք։ Դավիթը զինվոր չի՞, հանուն մեր պետության ինքնազոհության չէ՞ր գնա։

Կարճ ասած, մեծամասամբ կեղծ արժեքների հասարակություն ենք, ու երևի չափազանց ինքնահավան, կարճ, եսասեր...»