«Մեծ ու փոքր սխալների մի առատություն է ադրբեջանական ԱԳՆ պաշտոնական կայքում»․ Հայկարամ Նահապետյան

Լրագրող Հայկարամ Նահապետյանը ֆեյսբուքյան իր էջում գրել է. «Ծանոթացա ադրբեջանական տխրահռչակ սև ցուցակի ափդեյթ տարբերակին։ Մեծ ու փոքր սխալների մի առատություն է ադրբեջանական ԱԳՆ պաշտոնական կայքում: Ուկրաինայից լրագրող Վարվարա Ժլուտենկոյի դիմաց չգիտես՝ ինչու ադրբեջաներենով (ցանկն ընդհանրապես՝ անգլերեն է) նշել են Bolqarıstan Parlamentinin «Patriotik Front» qrupuna daxil և այլն։ Ժլուտենկոն Պրոֆիլ ուկրաինական հանդեսի թղթակիցն է և «Բոլգարիստան փարլամենտինին քրուբի» հետ բացարձակ որևէ կապ չունի։ Ընդ որում՝ այցելել է 2010-ին, ոչ թե՝ 16-ին։ Սև ցուցակ են գցել ԱՄՆ Կոնգրեսի անդամ Ջեքի Սպայերին, որն իբր թե նախորդ տարի եղել է Արցախում։ Սպայերը ոչ թե միայն նախորդ տարի, այլ, որքան գիտեմ, երբևէ չի եղել Արցախում։ Իրար են խառնել մարդկանց անունները, ասենք Peter-ը դարձել է Petir, Sadlon Hançerlin անունով ֆրանսիացին ո՞վ է։ Անգլերենում կամ Ֆրանսերենում ç չկա։ Անունն էլ գուգլ ես անում՝ հզոր գուգլը մենակ մի լինք է գտնում, որը նույն ադրբեջանական տխրահռչակ սև ցուցակն է»։