ՄԻԵԴ-ը կհրապարակի մարտի 1-ին վերաբերող «Տեր-Պետրոսյանն ընդդեմ Հայաստանի» վճիռը

155

Շաբաթ, 20 ապրիլի, 2019 թ., 12:35

ՄԻԵԴ-ի պաշտոնական կայքից տեղեկանում ենք, որ ապրիլի 25-ին կհրապարակվի «Տեր-Պետրոսյանն ընդդեմ Հայաստանի Հանրապետության» վճիռը: Նշվում է, որ ՀՀ առաջին նախագահ Տեր-Պետրոսյանի բողոքի համար հիմք են հանդիսացել 2008թ. ՀՀ-ում անցկացված նախագահական ընտրությունների արդյունքներն ու դրանց հաջորդող իրադարձությունները: Ըստ Տեր-Պետրոսյանի՝ այդ ընթացքում ոտնահարվել են ազատության ու անվտանգության, հավաքների ու ցույցերի անցկացման, խոսքի ազատության հիմնարար դրույթները: Տեր-Պետրոսյանն իր բողոքում նաև նշել է, որ իրեն ստիպողաբար դուրս են բերել Ազատության հրապարակից ու տնային կալանք սահմանել: Մարտի 1-ին Ազատության հրապարակում ոստիկանությունը բռնի ուժ է կիրառել խաղաղ ցուցարարների նկատմամբ: Ոստիկանության իրականացրած գործողությունների հետևանքով 10 մարդ է զոհվել, շատերը վիրավորվել են: