Վլադիմիր Գասպարյանի «միամիտ» ցուցմունքը դատավճիռ կլինի Ռոբերտ Քոչարյանի ու Սերժ Սարգսյանի համար

874

Երեքշաբթի, 23 ապրիլի, 2019 թ., 13:05

Այսօր լուրեր շրջանառվեցին այն մասին, որ տեղեկատվության արտահոսք է տեղի ունեցել Վլադիմիր Գասպարյանի հարցաքննությունից։ Խոսքը վերաբերում է մասնավորապես Մարտի 1-ի դեպքերի ժամանակ սահմաններից զորքը Երևան բերելուն։ Ասում են, որ Վլադիմիր Գասպարյանը, ցանկանալով կրկնել այն տեղեկությունները, որ Արցախից զորք է տեղափոխվել Երևան, «միամտաբար», մանրամասնել է, որ բացի Արցախից, զորք է բերվել նաև Տավուշի սահմաններից։ Համաձայն շրջանառվող լուրերի, Վ․ Գասպարյանն այդ կերպ հաստատել է այն տեղեկությունները, որ Ռոբերտ Քոչարյանը և Սերժ Սարգսյանը կազմակերպված և գիտակցաբար անպաշտպան են թողել հայ-ադրբեջանական սահմանը։ Ասում են, որ Վլադիմիր Գասպարյանը հաստատել է նաև այն տեղեկությունները, որ այդ օրերին հայ-ադրբեջանական սահմանին եղել է լարված դրություն, սակայն, այնուամենայնիվ, զորքը տեղաշարժվել է։