Շրի Լանկայի ահաբեկչությունների մահապարտներից երեքը ընտանիքի անդամներ էին

3033

Չորեքշաբթի, 24 ապրիլի, 2019 թ., 00:15

Շրի Լանկայի մայրաքաղաքում գտնվող Cinnamon Grand և Shangri-La հյուրանոցներում իրականացված պայթյուններն իրականացրել են երկու հարազատ եղբայրներ: Այս մասին հայտնում է Daily Mail-ը: Նրանք 20 տարեկանից փոք-ինչ մեծ են եղել, նրանց հայրը համեմունքների վաճառքով զբաղվող բիզնեսմեն է:

Ընդ որում, երբ ոստիկանները ժամանել են նրանց տուն, եղբայրներից մեկի կինը պայթյուն է իրականացրել, ինչի հետևանքով զոհվել են ինքը և իր 2 երեխաները, ինչպես նաև՝ 3 իրավապահ:

Հայտնի է նաև, որ ԴԱԻՇ ահաբեկչական խմբավորման հետ կապ ունեցող Amaq գործակալությունը հրապարակել է լուսանկար, որում, ինչպես գրում է աղբյուրը, պատկերված են ահաբեկչություններն իրականացրած 8 մահապարտները:

Շրի Լանկայում ահաբեկչություն իրականացրած մահապարտ ահաբեկիչները

Նրանցից միայն մեկի դեմքն է բաց, հաղորդվում է, որ հենց նա է ահաբեկիչներին ոգեշնչողը՝ իմամ Զահրան Հաշիմը:

Նշենք, որ ավելի վաղ Շրի Լանկայում տեղի ունեցած արյունարբու ահաբեկչութան պատասխանատվությունն իր վրա էր վերցրել ԴԱԻՇ-ը: Թիրախը եղել են քրիստոնյաներն ու այն երկրների քաղաքացիները, որոնք մասնակցություն են ունեցել ԴԱԻՇ-ի դեմ գործողություններին:

Ապրիլի 21-ին Շրի Լանկան ցնցած 8 պայթյունների ընդհանուր զոհերի թիվը հասել է 321-ի, ավելի քան 520 մարդ վիրավոր է: