«Եթե առանց հրավերի գամ ձեր տուն, կզարմանաք, չէ՞». Մնացականյանը՝ Մամեդյարովի հետ հանդիպման մասին

Քաղաքացու օրվա միջոցառումների շրջանակում, լրագրողների հետ ճեպազրույցի ժամանակ, պատասխանելով Ադրբեջանի ԱԳ նախարարի հետ հնարավոր հանդիպման մասին հարցին, ՀՀ արտգործնախարար Զոհրաբ Մնացականյանն ասել է. «Հանդիպումներ տեղի են ունեցել տարբեր մայրաքաղաքներում: Որոշ քննարկումներ ունեցել ենք, նախագծել ենք՝ որտեղ, ինչպես է լինելու հաջորդ քայլը: Բայց հրավիրող կողմն իր համար կորոշի ու կհստակեցնի ժամկետները: Եթե ես հիմա ասեմ՝ երեկոյան գալիս եմ ձեր տուն հյուր՝ առանց ձեր հրավիրելու, կզարմանաք, չէ՞: Դրա համար հյուրընկալողը թող ասի»: