Ուրբաթ, 29 մարտի, 2024 թ.
|
Ստեփանակերտում`   +6 °C

ԱՄՆ-ն ձգտում է օգնել ԼՂ հակամարտության խաղաղ կարգավորմանը. Պետդեպ

ԱՄՆ-ն ձգտում է օգնել ԼՂ հակամարտության խաղաղ կարգավորմանը. Պետդեպ
1687
Ուրբաթ, 03 մայիսի, 2019 թ., 12:20

Եվրոպայի և Եվրասիայի հարցերով պետքարտուղարի օգնականի տեղակալ Ջորջ Քենթը լրագրողներին հայտնել է, որ ԱՄՆ-ն, որպես ԵԱՀԿ Մինսկի խմբի համանախագահող երկիր, լրջորեն է վերաբերվում ԼՂ հակամարտության կարգավորման գործում ունեցած իր պատասխանատվությանը և հանձնառու է խաղաղ ճանապարհով խնդրի կարգավորման հարցում կողմերին օգնելու ձգտմանը: Այս մասին հաղորդում է TASS-ը:

«Ուրախ ենք, որ կողմերի միջև երկրի ղեկավարների և ԱԳ նախարարների մակարդակով հանդիպումներ են կայացել։ Կողմերը շփման գծում լարվածության նվազման շուրջ պայմանավորվածություն են ձեռք բերել։ Մոսկվայում Հայաստանի, Ադրբեջանի և Ռուսաստանի ԱԳ նախարարերի՝ վերջերս կայացած հանդիպմանը ձեռք են բերվել գոհացուցիչ համաձայնություններ»,- նշել է Քենթը:

Խոսելով ԱՄՆ-ում Հայաստանի և Ադրբեջանի ԱԳ նախարարների հաջորդ հավանական հանդիպման մասին՝ Պետդեպարտամենտի պաշտոնական ներկայացուցիչն ասել է․ «Չեմ կարող ասել, որ հաջորդ հանդիպման տեղն արդեն որոշել ենք։ Սակայն վստահ եղեք, որ ԱՄՆ-ը լրջորեն է վերաբերվում իր պարտականություններին։ Մենք ցանկանում ենք աջակցել գործընթացին, որը կհանգեցնի հակամարտության խաղաղ կարգավորմանը»: