«Արցախի անկախացումը հնարավոր է միայն Ռուսաստանի ագրեսիայի «օրինականացման» համատեքստում». Վահագն Ավագյան

«Սասնա Ծռեր» կուսակցության մամուլի խոսնակ Վահագն Ավագյանը ֆեյսբուքյան իր էջում գրել է. «Կան չէ ավանակներ (ընդհուպ պատգամավորներ, նախարարներ, նախագահներ), որ ասում են Արցախը անկախացնենք, որ ՄԱԿ-ում երկու ձայն ունենանք։

Հարգելի «ԻԱ»-ներ, ՄԱԿ-ում երկու ձայն ունենալու համար ՄԱԿ-ի անդամների մեծամասնությունը պետք է ճանաչի Արցախը որպես անկախ պետություն, ինչը երբեք տեղի չի ունենա, քանի որ Արցախի անկախ պետություն ճանաչվելու պոտենցիալը հավասար է Սյունիքի անկախ պետություն ճանաչվելու պոտենցիալին կամ Շիրակի անկախ պետություն ճանաչվելու պոտենցիալին՝ ոչ ավել, ոչ պակաս։

Արցախի անկախացումը հնարավոր է միայն Ռուսաստանի ագրեսիայի հնարավորությունների «օրինականացման» համատեքստում, ինչպես օրինակ՝ Աբխազիայի կամ Հարավային Օսիայի հանրապետությունների պարագայում, որոնց ՄԱԿ-ը չի ճանաչել, բայց Ռուսաստանը ճանաչել է և զորք ուղարկել տեղի իշխանիկների «խնդրանքով»։

Այսօրվա պրոցեսը միայն այդ ուղին է սպասարկում, հետևաբար ՄԱԿ-ի անունն այլևս չտաք այ անմեղսունակներ․․.»: