«Հեղափոխությունը հաղթանա՞կ էր, թե՝ ոչ». լրագրողները՝ Արմեն Սարգսյանին

Ինչպես արդեն հայտնել էինք, Հաղթանակին օրվան նվիրված միջոցառումների շրջանակներում մի խումբ պաշտոնատար անձինք՝ ՀՀ նախագահի գլխավորությամբ, «Հաղթանակ» զբոսայգում են: Լրագողների հետ զրույցում խոսելով հաղթանակի ընկալման ու նշանակության մասին՝ Սարգսյանն ասել է. «Հաղթանակները ժամանակ չունեն, հաղթանակները, հաղթանակի զգացողությունն ընդմիշտ է...»: Լրագրողներից մեկը ՀՀ նախագահից փորձել է ճշտել՝ հեղափոխությունը նրա գնահատմամբ հաղթանա՞կ էր, սակայն Արմեն Սարգսյանը խուսափել է պատասխանից: Լրագրողը հարցն ուղղել է երկրորդ անգամ. «Հաղթանակի գնահատականը տալիս է միշտ ժողովուրդը»,- ասել է նախագահը: