Ուրբաթ, 11 հուլիսի, 2025 թ.
|
Ստեփանակերտում`   +29 °C

«Հայրս ասաց՝ գնա աղջիկ ջան, պաշտպանիʹր երկիրդ». Մեծ հայրենականի վետերան Ռոզալյա Աբգարյան

«Հայրս ասաց՝ գնա աղջիկ ջան, պաշտպանիʹր երկիրդ». Մեծ հայրենականի վետերան Ռոզալյա Աբգարյան
454
Ուրբաթ, 10 մայիսի, 2019 թ., 00:25

Մեծ հայրենականի վետերան Ռոզալյա Աբգարյանը, 1941 թվականին դպրոցը ավարտելով, 18 տարեկանում գնացել է ռազմաճակատ և մասնակցել ռազմական գործողություններին. «Հավաքվեցինք դպրոցի բակում և որոշեցինք դիմում տալ, որ մեզ կամավոր ուղարկեն ռազմաճակատ»,-Հանրայինի եթերում ասել է տիկին Ռոզալյան:

Նրա խոսքով՝ իր ծնողները սկզբից չեն իմացել իրենց դստեր քայլի մասին. «Մայրս դեմ էր, լացում էր: Բայց հայրս հին բոլշևիկ, արուժեյնիկ էր, Կարսից էր ծնունդով. իր առաջին ընտանիքին թուրքերը կոտորել էին և այդպես անըդհատ ուզում էր մի բան աներ, որ հոգին հանգստանա: Որ պատերազմը սկսվեց, ասաց, որ անպայման պետք է գնա ռազմաճակատ, բայց իրեն չտարան, որովհետև զենք սարքող էր, ասացին՝ դու այստեղ ավելի շատ օգուտ կտաս, քան՝ ռազմաճակատում: Հայրս ասաց՝ գնաʹ, աղջիʹկ ջան, պաշտպանիʹր երկիրդ, տղա չունեմ, դու գոնե այդ դերը կատարիր»,- իր հուշերն է պատմել Ռոզալյա Աբգարյանը:

Պատերազմի վետերան տիկին Ռոզալյան այժմ վստահ է, որ իր սերնդի գործը պատվով շարունակում է ներկայիս սերունդը. «Մենք մեծեր ենք, մեր սերունդը շատ բան է տեսել, բայց մենք շատ ուրախ ենք, որ այն, ինչ որ մենք արել ենք, այդ էստաֆետան հանձնել ենք շատ ամուր ձեռքերի: Դրա ապացույցն էլ Արցախն է»,- նշել է նա: