Երկուշաբթի, 20 ապրիլի, 2026 թ.
|
Ստեփանակերտում`   +8 °C

ՀՀ վերաքննիչ քրեական դատարանը բավարարել է 2018թ. ապրիլյան հավաքների մասնակցի վերաքննիչ բողոքը

ՀՀ վերաքննիչ քրեական դատարանը բավարարել է 2018թ. ապրիլյան հավաքների մասնակցի վերաքննիչ բողոքը
592
Երկուշաբթի, 13 մայիսի, 2019 թ., 22:10

2018թ․ ապրիլի 13-ից մինչև ապրիլի 23-ն ընկած ժամանակահատվածում Երևանում տեղի ունեցած բազմամարդ հավաքների ընթացքում ոստիկանությունը Երևան քաղաքի տարբեր փողոցներից հավաքների մասնակիցներին բռնության ենթարկելով տեղափոխել է ՀՀ ոստիկանության տարբեր բաժանմունքներ: Նշված դեպքի առթիվ հարուցվել են քրեական գործեր, որոնք հետագայում միավորվել են մեկ քրեական գործում և 104 անձ ճանաչվել է տուժող։ Տուժող է ճանաչվել նաև Գագիկ Բունիաթյանը՝ հաստատված համարելով այն հանգամանքը, որ ՀՀ ոստիկանության ծառայողների կողմից նրա նկատմամբ կիրառվել է բռնություն։ 2018-ի նոյեմբերի 16-ին քննիչը որոշում է կայացրել կասեցնել գործով վարույթը՝ մեղադրյալի անհայտ լինելու հիմքով։ Տուժողի ներկայացուցիչը կայացված որոշումը բողոքարկել է ՀՀ գլխավոր դատախազություն և առաջին ատյանի ընդհանուր իրավասության դատարան, սակայն վարույթ իրականացնող մարմնին ներկայացված բողոքները մերժվել են:

Իսկ ՀՀ վերաքննիչ քրեական դատարանը մայիսի 10-ին բավարարեց վերաքննիչ բողոքը՝ պարտավորեցնելով վարույթ իրականացնող մարմնին վերականգնել անձի խախտված իրավունքները։

Հայաստանի Հելսինկյան կոմիտե