«Մի քանի տեղից ինֆորմացիա է դուրս եկել, թե իբր Գասպարին ցուցմունք չի տվել». Վահե Գևորգյան

Քաղաքացու որոշում» սոցիալ-դեմոկրատական կուսակցության անդամ, Երևանի ավագանու անդամ Վահե Գևորգյանը ֆեյսբուքյան իր էջում գրել է. «Մի քանի տեղից ինֆորմացիա է դուրս եկել, թե իբր Գասպարին ցուցմունք չի տվել: Հենց նոր խոսեցի պարոն Գասպարիի հետ, նա ասաց, որ նման բան չկա, ավելին՝ պահանջել է, որ քրեական գործ հարուցեն և բացատրագիր է գրել: Սակայն ոստիկանությունում քրեական գործ չեն հարուցել, ուզում եմ հասկանալ, եթե տեսանյութում պարզ երևում է հանցանքի պահը, հարվածողի դեմքը, կա տուժող, որը բացատրագիր է գրել, հիմա ի՞նչն է պատճառը, որ ոստիկանությունը գործ չի հարուցել, հերիք չի, դեռ մի բան էլ Թավադյանը հեգնանքով պատմում է, թե ինչպես է ոստիկանությունում սուրճ խմել»: