Շաբաթ, 17 օգոստոսի, 2019 թ.
|
Ստեփանակերտում`   +21 °C

«Ինձ մոտ տպավորություն ստեղծվեց, որ Մամեդյարովը լարված էր». Արսեն Խառատյան

«Ինձ մոտ տպավորություն ստեղծվեց, որ Մամեդյարովը լարված էր». Արսեն Խառատյան
114
Չորեքշաբթի, 15 մայիսի, 2019 թ., 12:30

Նիկոլ Փաշինյանի նախկին խորհրդական Արսեն Խառատյանը ֆեյսբուքյան իր էջում գրել է. «Ադրբեջանի արտգործնախարարի հայ լրագրողներին տված հարցազրույցի ոճը սոցիալական ցանցերում գնահատվում է որպես անհարգալից վերաբերմունք: Անկեղծ ասած ես այս հարցազրույցում անհարգալից շատ բան չտեսա, թերևս միայն այն բացառությամբ, որ սարկազմով խորհուրդ էր տալիս գնալ կարդալ մեր սահմանադրությունը: Այստեղ ավելի շատ տարիներ շարունակվող մանիպուլյատիվ տեքստն էր, թե՝ աղքատ եք, կորցնում եք, Արցախը պահելով ոչինչ չեք ստանում, իսկ մենք ձեզ շարունակում ենք իզոլացնել: Մամեդյարովը գուցե կարծում է, թե հայ հանրությունն այս ուղերձներից պիտի երկմտի ու թերևս մոռացել է 2016-ի ապրիլյան պատերազմի օրերին մեր հավաքական կամքի փառահեղ դրսևորումը, ինչը՝ հետհեղափոխական Հայաստանում անհամամեմատ ավելացել է: Այս կարճ հարցուպատասխանից ինձ մոտ տպավորություն ստեղծվեց նաև, որ նախարարը լարված էր, ինչը գուցե մի կողմից պայմանավորված է այսպիսի բրիֆինգային ֆորմատով մեր լրագրողների հետ Մամեդյարովի առաջին անգամ շփվելու իրողությամբ: Գուցե նաև ընդհանուր նյարդային վիճակ է Բրյուսելիում ԵՄ-Ադրբեջան բանակցություններում ձախողելու պատճառո՞վ: Անկախ ամեն ինչից ես դրական եմ գնահատում ադրբեջանցի պաշտոնյայի հետ ուղիղ հաղորդակցման այս փորձը և հույս ունեմ, որ սա առաջիկայում պարբերական բնույթ կստանա: Մի խորհուրդ միայն, եթե մեր ադրբեջանցի գործընկերներն իրոք ուզում են ուղիղ խոսել հայերի հետ, ապա պետք է լրջորեն վերանայեն ասելիքի տեքստն ու ոճը»: