«Մարդակեր», «մարդասպան». դատարանի բակում կրքերը պարբերաբար թեժանում եմ

Հինգշաբթի, 16 մայիսի, 2019 թ., 17:30

«Արնախում», «մարդակեր», «մարդասպան» վանկարկում են դատարանի բակում Ռոբերտ Քոչարյանին դատապարտող ցուցարարները:

Նշենք, որ Երևանի ընդհանուր իրավասության դատարանի Ավան և Նոր Նորք նստավայրում շարունակվում է Մարտի 1-ի գործով ՀՀ երկրորդ նախագահ Ռոբերտ Քոչարյանի դատավարությունը: Բակում կողմերի միջև լարվածությունն ավելի թեժացավ Արցախի ներկա ու նախկին նախագահներ Բակո Սահակյանի և Արկադի Ղուկասյանի՝ դատարան ժամանելուց հետո:

Ավելի վաղ տեղեկացրել էինք, որ վերոնշյած անձինք այս պահին դատարանում են: Հիշեցնենք, որ նրանք Ռոբերտ Քոչարյանի խափանման միջոց կալանքն ազատությամբ փոխարինելու անձնական երաշխավորություն են ներկայացրել և այսօր իրենց ներկայությամբ վերահաստատում են այն: