«Սա կարող է նշանակել, որ նախատեսվում են լցոնումներ». Վարուժան Գեղամյան

Թուրքագետ Վարուժան Գեղամյանը ֆեյսբուքյան իր էջում անդրադարձել է Ստամբուլում վերընտրություններին. «Ընտրություններն ավարտվեցին։ Միակ օրգանը, որը հրապարակում է պաշտոնական տեղեկատվություն, «Անադոլու» պետական լրատվական գործակալությունն է։ Սակայն այն դեռևս ոչ մի տվյալ չի հրապարակել։ Առկա բոլոր տվյալները գերազանցապես ստացվում են ընդդիմադիր աղբյուրներից, որոնք պնդում են, որ ընդդիմադիր Իմամօղլուն տարել է հեշտ հաղթանակ։ Սակայն ես սրան դեռ չէի հավատա։ Առավել հետաքրքրականն այն է, որ Բարձրագույն ընտրական մարմինը որոշում է ընդունել ճանաչել առանց կնիքի ընտրական ծրարները։ Սա կարող է նշանակել, որ նախատեսվում են լցոնումներ։ Կհետևենք»։