«Աշխարհի մեղքերը բարդել է Վահեի վրա». Ժաննա Ալեքսանյան

Իրավապաշտպան Ժաննա Ալեքսանյանը ֆեյսբուքյան իր էջում գրել է. ««Ազգային օրակարգ» նորաստեղծ կուսակցության խորհուրդը, մեղմ ասած, խստագույնս դատապարտել է Վահե Գրիգորյանի ինքնահռչակումը, Սահմանադրության անցումնային դրույթների կամայական մեկնաբանությունը, ինչպես նաև համարում է, որ սրանով Վահե Գրիգորյանը դատական իշխանության նկատմամբ հերթական ոտնձգությունն է կատարել։ Մի խոսքով՝ աշխարհի մեղքերը բարդել է Վահեի վրա։ Վահեի, այսպես կոչված ինքնահռչակումն ընդամենը բանավեճ է առաջացրել, հարցեր է առաջ բերել, որոնք լուծման կարիք ունեն և հարցը պետք է դիտարկել հենց այս տիրույթում, քաղաքակրթության սահմաններում։ Ինչ կարիք կա այսպիսի խայտառակ, անհանդուրժող հայտարարություն տարածել։ Սրանով նորաստեղծ կուսակցությունը հավակնոտ «Ազգային օրակարգ» անվանմամբ հայտարարում է իր նկատմամբ անվստահության մասին»։