«Վերջին կռիվն է տալիս ընդդեմ հայ ժողովրդի». Արմեն Փամբուխչյան

«Իմ քայլը» խմբակցության պատգամավոր Արմեն Փամբուխչյանը գրել է. «Մարդկանց հիշողությունների վրա խաղալով, զգայուն հարցերն աղավաղված ներկայացնելով երբեմնի Հայաստանում նախագահ աշխատած, այժմ մեղադրյալի աթոռին հայտնված սուբյեկտը վերջին կռիվն է տալիս ընդդեմ հայ ժողովրդի:

Մեղադրյալի աթոռը որոշ շեղումներ է տալիս ուղեղի հիշողության համար պատասխանատու հատվածում, բայց ոչ բանական ու հայաստանասեր քաղաքացիների մոտ:

Իր կողմ հավաքելով իր լատենտ և այժմ բացահայտ փոքր խմբավորումներին, ինչպես նաև իրեն միացած նախկին ենթակայի, բայց հետո վարչապետ դառնալու երազանքը կոտրած իրավահաջորդի սակավաթիվ մարտիկներին, Արցախի հարցը շահարկելով և դիտավորյալ աղավաղելով, փորձում է վերջին հարվածը հասցնել հայոց պետականությանն ու հայ ժողովրդին:

Հ.Գ. Ճակատին դուխով գրած մարտիկի խիզախությունը միայն սավանաներում անպաշտպան կենդանիներ սպանելու մեջ է կայանում...»: