««Հողատու» որակումը հենց այդ զրույցներում ծնվեց». Արման Մելիքյան

Արցախի նախկին արտգործնախարար Արման Մելիքյանը ֆեյսբուքյան իր էջում գրել է. «Հիրավի առաջին հերթին առևտրային ազգ ենք: Մեր տարբեր տրամաչափի պաշտոնյաների ու օլիգարխների հետ ունեցած զրույցներիս ընթացքում ինձ համարյա միշտ ասել են՝ բա ո՞նց կլինի, որ հող չտանք: Բա մի բան պետք է տանք չէ, որ մի բան էլ ստանանք: Առևտրականի համար ճիշտ մտածելակերպ է՝ իսկապես, առևտուրը նախատեսում է նյութական արժեքների փոխանակում, որի ժամանակ մասնակից կողմերից յուրաքանչյուրն իր շահույթն է ունենում: Իսկ մեր հարցն առևտրային մոտեցմամբ լուծելն անհնար է: Այդ առևտրականների համար ընկալելի չէ, որ քաղաքականության, դիվանագիտության ոլորտում իրավիճակներ են լինում, երբ ինչ-որ բան ստանալու համար ճիշտը՝ չտալն է: Ի դեպ, «հողատու» որակումն էլ հենց այդ զրույցներում ծնվեց»: