«Մի էս հեղափոխականին նայեք». Լուսինե Հարոյան

«Համահայկական Ազգային Համաձայնության» համանախագահ Լուսինե Հարոյանը ֆեյսբուքյան իր էջում գրել է. «Այս պարոնը Նորքի խմբի գործով քաղբանտարկյալ Արթուր Վարդանյանի մասին հարցին պատասխանում է, որ նա քաղբանտարկյալ չէ, քանի որ նրա գործողություններում քրեական տարր կա: Հիշեցնեմ՝ Նորքի խումբն էն նվիրյալների խումբն էր, որոնք համատարած հուսահատության օրերին մտածում էին տապալել ատելի ռեժիմը, և որոնց վրա ՀՀԿ-ն գործ կարեց ու նստեցրեց երկար ժամանակով: Մի էս հեղափոխականին նայեք, տեսեք, թե ինչ նման է խոսում ՀՀԿ կարկառուններին, որոնք նույնն ասում էին Հաց բերողի մասին: Մեկդ էս պարոնին փոխանցեք, որ իր և իր խմբապետի նախորդ տարվա գործողություններում էնքան քրեական տարրեր կան, որ իրենք ողջ թայֆով կարող են ցմահ դատվել. միայն հարձակումը Հանրային ռադիոյի վրա արդեն հերիք է, ընդ որում Հանրային ռադիոն երկրի ամենակարևոր ստրատեգիական կառույցն է, որի հանդեպ ոտնձգությունը պետական մասշտաբի հանցագործություն է: Սրանց հույսն ինչի՞ վրա է, հետաքրքիր է: Որ Սերժի հետ պայմանավորվածություն ունե՞ն, բայց Սերժն իր պայմանավորվածությունները խախտելու գծով չեմպիոն է, ինչպես գիտենք: Չհարգելի ԱԺ փոխնախագահ, դուք ավելի լավ կլինի շարունակեք ճ կլասի կլիպերում նկարահանվել, բայց մարզասրահում մի լավ մարզվելուց հետո և աշխատեք հնարավորինս քիչ խոսել լուրջ հարցերի շուրջ»: