«Դատախազների պատճառաբանությունները զավեշտալի էին»․ Քոչարյանի պաշտպան

Այսօր՝ լրագրողների հետ զրույցում Ռոբերտ Քոչարյանի պաշտպան Հովհաննես Խուդոյանը Վերաքննիչ քրեական դատարանում տեղի ունեցած ՀՀ երկրորդ նախագահ Ռոբերտ Քոչարյանի գույքի վրա դրված կալանքի վերաբերյալ դատավոր Դանիբեկյանի կայացրած որոշման դեմ դատախազության կողմից բերված բողոքի քննության ժամանակ դատախազների պատճառաբանությունները «զավեշտալի» որակեց:

«Սա նախորդ տարվանից սկսված՝ ինչ-որ իրավական օրինական և ոչ օրինական գործիքներում պարոն Քոչարյանին ճնշումների ենթարկելու տրամաբանության մեջ է տեղավորվում»,- ասաց պաշտպանը:

Անդրադառնալով դատական նիստի արդյունքների վերաբերյալ իրենց ակնկալիքներին՝ նշեց. «Կանխատեսել չենք կարող: Առնվազն դատարանի բոլոր հարցերը հաշվի առնելով՝ որոշակի տպավորություն է ստեղծվում, որ դատարանն, ամեն դեպքում, տիրապետում է անհրաժեշտ իրավական նորմերին: Տպավորությունը դրական է»: