Ռոբերտ Քոչարյանի աջակիցների ակցիան՝ Կառավարության դիմաց. ՈՒՂԻՂ ՄԻԱՑՈՒՄ

Այսօր՝ հուլիսի 29-ին լրանում է մեկ տարին, երբ ՀՀ երկրորդ նախագահ, սահմանադրական կարգի տապալման մեջ մեղադրվող Ռոբերտ Քոչարյանին մեղադրանք առաջադրվեց:

Այս կապակցությամբ Քոչարյանի աջակիցները բողոքի ակցիա են իրականացնում Կառավարության դիմաց:

Հիշեցնենք՝ Ռոբերտ Քոչարյանը 2018-ի հուլիսի 26-ին ՀՔԾ էր ներկայացել Մարտի 1-ի գործով հարցաքննության: Ավելի ուշ ՀՀ երկրորդ նախագահին մեղադրանք էր առաջադրվել:

ՀՔԾ տարածած հայտարարության մեջ ասված էր. «2008 թվականի մարտի 1-ից 2-ն ընկած ժամանակահատվածում Երևան քաղաքում տեղի ունեցած իրադարձությունների վերաբերյալ ՀՀ հատուկ քննչական ծառայությունում քննվող քրեական գործով նախաքննության ընթացքում ձեռք բերված ապացույցների բավարար համակցության հիման վրա 2018 թվականի հուլիսի 26-ին Հայաստանի Հանրապետության պաշտոնաթող նախագահ Ռոբերտ Քոչարյանին մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը»։