Արթուր Վանեցյանը՝ Արցախում միջադեպի և Դավիթ Սանասարյանի գործի մասին

«Երեկ Արցախում հանրահավաքին ես հարկ համարեցի միջամտել, որ խժդժությունները լուրջ հետևանքներ չունենան։ Անցանկալի է Արցախում ցանկացած տիպի խժդժությունները։ Արցախի կայունությունը պետք է լինի ամենաբարձր մակարդակի վրա։ Ես որպես ԱԱԾ տնօրեն, անվտանգային համակարգը կառուցելիս առաջնորդվում եմ այն սկզբունքով, որ Արցախը պետք է լինի կայուն»,- Արցախում լրագրողների հետ զրույցում ասել է ԱԱԾ տնօրեն Արթուր Վանեցյանը:

Անդրադառնալով ՊՎԾ նախկին պետ Դավիթ Սանասարյանի գործին, Վանեցյանը հերքել է այն լուրերը, թե հրահանգ կա կոծկել գործը։ «Այդ լուրերը իրականությանը չեն համապատասխանում այդ գործով քննությունն իրականացվում է, եթե ես չեմ սխալվում՝ հայտարարավել է գործի ավարտ ու առաջիկայում կուղարկվի դատախազություն օրինականությունը ստուգելու ու հետագա ընթացքը որոշելու համար»: