«2014-ի գաղտնի զեկույցի բովանդակությունը վաղուց շատերին էր հայտնի». Վարդգես Գասպարի

Քաղաքացիական ակտիվիստ Վարդգես Գասպարին ֆեյսբուքյան իր էջում գրել է. «Ներեցեք էլի, բայց 2014-ի գաղտնի զեկույցի բովանդակությունը վաղուց շատերին էր հայտնի... Դրա մասին առաջին անգամ ես ամենահամապարփակ և ամենակոմպակտ ձևակերպումը լսել եմ 2007-ի սեպտեմբերի 21-ին Մարիոթ հյուրանոցում՝ Լևոն Տեր Պետրոսյանից. «Վերից վար կոռումպացված, հանցագործ մի վարչակազմ, որի հարաբերությունները կարգավորվում են ոչ թե օրենքներով, ոչ թե ժողովրդի կամքով, ոչ թե քաղաքական երկխոսությամբ, այլ գողական աշխարհի կարգ ու կանոնով: Լիովին մաֆիոզ, մինչև վերջին երանգը ստրուկտուրիզացված մի ռեժիմ, որը մեզ այսօր արդեն գլորել է երրորդ աշխարհի նմանատիպ ռեժիմների շարքը»: