Սպիտակ տունը չեղարկել է Թրամփի այցը Դանիա

Սպիտակ տունը չեղյալ է հայտարարել ԱՄՆ նախագահ Դոնալդ Թրամփի՝ սեպտեմբերի 2-3-ը նախատեսված այցը Դանիա: Այդ մասին հայտնել է NBC News հեռուստաալիքը՝ հղում կատարելով իր աղբյուրներին:
Սպիտակ տան ներկայացուցիչը հաստատել է այս տեղեկությունը։ Թրամփին պաշտոնական այցով հրավիրել էր Դանիայի թագուհին:
Ավելի վաղ Դոնալդ Թրամփը հայտնել էր, որ երկու շաբաթով հետաձգում է իր այցը, քանի որ Գրենլանդիան Միացյալ Նահանգներին վաճառելու հարցում դանիական կողմը շահագրգռված չէ: