«ՀՀ օրենսդրությունը թույլ է տալիս և միշտ թույլ է տվել օգտագործել Զինված ուժերը՝ զանգվածային անկարգությունները ճնշելու նպատակով». Հայկ Ալումյան
898 Երեքշաբթի, 27 օգոստոսի, 2019 թ., 12:10 ՀՀ երկրորդ նախագահ Ռոբերտ Քոչարյանի պաշտպան Հայկ Ալումյանն այսօր հրավիրված ասուլիսի ժամանակ անդրադարձավ 2008 թվականի մարտի 1-ի դեպքերին՝ զուգահեռներ անցկացնելով այլ պետությունների հետ, երբ Զինված ուժերն օգտագործվել են ներպետական հարցերում: «Մեր օրենսդրությունը միանշանակորեն թույլ է տալիս օգտագործել զինված ուժերը ներպետական կարևորագույն խնդիրներ լուծելու համար, օրինակ՝ եթե առկա են զանգվածային անկարգություններ»,- ասաց Ալումյանը: Նրա խոսքով՝ նմանատիպ դեպքեր եղել են նաև առավել ժողովրդավար պետություններում. «Այդպիսի պետություններում նույնպես զինված ուժերը հաճախ կիրառվել են ներպետական հարցերում՝ զանգվածային անկարգությունները ճնշելու նպատակով: Օրինակ՝ Հյուսիսային Իռլանդիայում, Միացյալ Նահանգներում»,- նշեց փաստաբանը: Ալումյանը լրագրողների հետ հանդիպման ժամանակ մեջբերեց 2008-ին գործող Սահմանադրության 8.2 հոդվածի հետևյալ նախադասությունը. «ԶՈՒ-ն ապահովում է ՀՀ անվտանգությունը, պաշտպանությունը և տարածքային ամբողջականությունը, նրա սահմանների անձեռնմխելիությունը» (նույն հոդվածում նշվում է, որ Զինված ուժերը քաղաքական հարցերում պահպանում են չեզոքություն և գտնվում են քաղաքացիական վերահսկողության ներքո-հեղ.): «ՀՀ օրենսդրությունն ուղղակիորեն թույլ է տալիս և միշտ թույլ է տվել օգտագործել զինված ուժերը, մասնավորապես՝ զանգվածային անկարգությունները ճնշելու նպատակով: Անվտանգությունը ներքին և արտաքին սպառնալիքներից պաշտպանվելու հնավորությունն է: Ներքին անվտանգությունն իր մեջ, այլ մարտահրավերների հետ միասին, ներառում է զանգվածային անկարգությունները, տեռորիստական ակտերը, էկոլոգիական աղետները և այլն»,- ասաց պաշտպանը: Նշենք, սակայն, որ Ալումյանը Սահմանադրության 8.2 հոդվածը ասուլիսի ընթացքում մեջբերեց մասնակի՝ բաց թողնելով «Զինված ուժերը քաղաքական հարցերում պահպանում են չեզոքություն և գտնվում են քաղաքացիական վերահսկողության ներքո» հատվածը: Ալումյանը հիշեցրեց նաև 1996 թվականին ընդդիմության բողոքի ակցիան, որը ճնշվել էր Զինված ուժերի կողմից՝ մեջբերելով այդ ժամանակ Ներքին գործերի նախարար «Ինչո՞ւ այս ամենին ևս գնահատական չի տրվում»,- հարց բարձրացրեց Ալումյանը: Քոչարյանի պաշտպանը սահմանադրական կարգի տապալում ձևակերպումը անորոշ որակեց. «Սահմանադրական դատարանն էլ չի հասկացել՝ դա ինչ է նշանակում. դիմել է Վենետիկի հանձնաժողով և Եվրոպական դատարան»,- ասաց նա: |
«Առաջին անգամ Հայաստանն ու Ադրբեջանը սեղանի շուրջ լուծել են հարց»․ Փաշինյան (տեսանյութ)
4012:06«Ողջունում ենք Հայաստանի ու Ադրբեջանի ձեռք բերած համաձայնությունը»․ Բլինքեն
11310:36«Տեղի ունեցողը Հայաստանի՝ առաջին հերթին դիվանագիտության խոշոր պարտությունն է»․ Արսեն Խառատյան
7910:06Արցախի վերնախավը հավաքվել էր․ «Հրապարակ»
11109:36Տավուշում սահմանազատման և սահմանագծման գործընթացը բխում է նոյեմբերի 9-ի փաստաթղթից. «Ժողովուրդ»
10809:30«Մինչև մայիսի 15-ը պետք է ներուժի լարումով համախմբվել»․ Շարմազանով
11109:00«Փաշինյանը՝ սահմանադրությունից ու պետությունից դուրս»․ Անդրանիկ Թևանյան
11302:30«Արցախը հանձնեց, անցավ Հայաստանին»․ Տաթևիկ Հայրապետյան
11800:54