«Մի տարի առաջ նման բան չէինք տեսնի, որ ՀՀ վարչապետը շնորհակալություն հայտներ Ադրբեջանի վարչապետին». Նիկոլ Փաշինյան

Վրաստանում ընթացող «Մետաքսի ճանապարհ» համաժողովի ժամանակ, Կոբախիձեի ու Ադրբեջանի վարչապետի ելույթներից հետո, ՀՀ վարչապետ Նիկոլ Փաշինյանն ասաց. «Մի տարի առաջ նման բան չէինք տեսնի, որ ՀՀ վարչապետը շնորհակալություն հայտներ Ադրբեջանի վարչապետին: Վրաստանի վարչապետին միշտ էինք շնորհակալություն հայտնել, էդտեղ նորություն չկա, բայց կրկնում եմ՝ մի տարի առաջ չէինք տեսնի, որ ՀՀ վարչապետը շնորհակալություն հայտներ Ադրբեջանի վարչապետին կամ նախագահին, Ադրբեջանի վարչապետն էլ՝ ՀՀ վարչապետին: Սա կարևոր իրադարձությունների մասին է վկայում: ՀՀ-ի ու Ադրբեջանի միջև խաղաղությունը հաստատված է»: