«Նիկոլն սկսեց նահանջել». Բաբկեն Հարությունյան

«Երևանի պաշտպանության ճակատ» նախաձեռնության համակարգող Բաբկեն Հարությունյանը ֆեյսբուքյան իր էջում գրել է. «Ամուլսարի հանքի շահագործման խնդրում Նիկոլը, որ օրեր առաջ համոզում էր, թե հանքի շահագործումն անվտանգ կլինի, այսօր արդեն ստիպված սկսեց նահանջել՝ վախենալով հասարակական դժգոհությունների ավելի մեծ ալիքից, ինչը շատ լավ է։ Փորձաքննություն իրականացնող «Էլարդ» ընկերությունն էլ հաստատեց, որ ուսումնասիրությունն արվել է 2016-ին կազմված ՇՄԱԳ-ի ու «Լիդիանի» ներկայացրած փորձաքննությունների հիման վրա, որի մասին հայտարարել էի։ Հասարակության հետևողական պայքարի արդյունքում միայն հնարավոր կլինի թույլ չտալ իշխանության կողմից պարտադրվող հակապետական և հակաբնապահպանական քայլերի իրականացումը»։