«Արթուր Աբրահամի արարքը քստմնելի է և ապտակ ժողովրդի դեմքին». Հայկ Մարտիրոսյան

Արթուր Աբրահամը շնորհավորական տեսաուղերձ է հղել Ռոբերտ Քոչարյանի 65-ամյակի կապակցությամբ՝ մաղթելով նրան «շուտ ազատում, գործերին հաջողություն», ինչի վերաբերյալ քաղաքագետ Հայկ Մարտիրոսյանը ֆեյսբուքյան իր էջում գրել է. «Արթուր Աբրահամի արարքը քստմնելի է և անթույլատրելի: Դա փորձ է՝ նորմալացնելու Քոչարյանի «դրական» կերպարը: Նաև՝ ապտակ ժողովրդի դեմքին և անարգանք Հայաստանի ու նրա ժողովրդի հասցեին:

Ցուցադրական, հանդուգն և անամոթ մի ժեստ, որ անարձագանք չի կարելի թողնել:

Առաջարկում եմ բոլորին գրել իրենց կարծիքն այդ տարեդարձի ուղերձի վերաբերյալ:

Անհրաժեշտ է ցույց տալ, որ նման պահվածքը չի հանդուրժվելու: Հասարակական արձագանքը պետք է կոշտ լինի»: