«Գտանք մեր հերոսին». Արարատ Առուստամյանը խոցել է թշնամու 4 տանկ, 1 ՀՄՄ

«Ռազմական արխիվ 1990-1994» ֆեյսբուքյան էջը գրում է. «Երեկ հրապարակեցինք «Փնտրում ենք քեզ մարտիկ» խորագրի հերթական անհայտ մարտիկի լուսանկարը և մեր օգտատերերի օգնությամբ գտանք մեր հերոսին։ Այսպիսով ...

ԱՐԱՐԱՏ ՄԵԼՍԻԿԻ ԱՌՈՒՍՏԱՄՅԱՆ

Ծնվել է 1971թվականին, Արցախի Ստեփանակերտ քաղաքում։

Արցախյան շարժման առաջին օրերից մասնակցել է ազգային֊ազատագրական պայքարին։ Լինելով հակատանկիստ՝ Առուստամյանը կռվել է բոլոր այն ուղղություններով, որտեղ եղել է անհրաժեշտություն։

Պատերազմի ժամանակ իր մարտական ընկերների հետ խոցել են թշնամու 4 տանկ, 1 ՀՄՄ: 1993 թվականի մարտերի ժամանակ, Ֆիզուլիի տարածքում վիրավորվել է։

Պարգևատրվել է «Մարտական խաչ» 2-րդ աստիճան շքանշանով։ Մեր հերոսի համար հայրենասիրությունը բարձրագույն արժեք է, այդ ոգով էլ դաստիարակել է իր զավակներին։

Արարատ Առուստամյանը այժմ էլ բնակվում է Արցախում։ Ունի 2 դուստր և 1 որդի։ Որդին այս պահին ծառայում է բանակում, իր արիությամբ և խիզախությամբ չի զիջում հորը։ Հարկ եղած դեպքում պատրաստ է նորից զենք վերցնել, կանգնել զինվոր որդու և նրա զինակից ընկերների կողքին և պաշտպանել հայրենիքը։

Փառք ու պատիվ մեր հերոսին, հիշե՛նք, ճանաչե՛նք, և շարունակե՛նք մեր քաջ հայորդիների գործը։

Նրան հանդիպելու դեպքում շնորհակալություն հայտնեք Հաղթանակի համար, նա այն կերտել է արդար պայքարում՝ արիաբար և մեծ անձնազոհության շնորհիվ»: