Երկուշաբթի, 23 փետրվարի, 2026 թ.
|
Ստեփանակերտում`   +3 °C

«28 տարի առաջ այս օրը մենք՝ ազգովի, կատարեցինք մեր պատմության նոր շրջանի հիմնարկեքը». Սամվել Բաբայան

«28 տարի առաջ այս օրը մենք՝ ազգովի, կատարեցինք մեր պատմության նոր շրջանի հիմնարկեքը». Սամվել Բաբայան
289
Շաբաթ, 21 սեպտեմբերի, 2019 թ., 17:05

«Սամվել Բաբայան՝ Արցախը և հերոսները» ֆեյսբուքյան էջը շնորհավորական ուղերձ է տեղադրել Հայաստանի Երրորդ Հանրապետության անկախության 28-ամյակի կապակցությամբ

«Սիրելի հայրենակիցներ,

Այսօր ազգային տոն է, ամենաանգինն ու թերևս ամենակարևորը

28 տարի առաջ այս օրը, մենք՝ ազգովի, միահամուռ կատարեցինք մեր պատմության նոր շրջանի հիմնարկեքը։ Մենք մեզ համար վճռեցինք՝ պահպանելով ժողովրդավարական ավանդույթները, հիմք դնելով ժողովրդավարական, իրավական հասարակարգի ստեղծմանը, հռչակել անկախ պետականության հաստատման գործընթացի սկիզբը։ Մենք մեր ապագա սերունդների համար ստեղծեցինք հայկական միջավայր, որտեղ թևածում է հայկական ոգին, շունչը, մշակույթը, մտածելակերպը, ազգային ավանդույթները, որտեղ ամեն անկյունում լսվում է հայերենը, որտեղ ազգը նույնիսկ շնչում է հայերեն։ Նորանկախ պետության ստեղծման թագն ու պսակը դարձավ Արցախյան փառապանծ հաղթանակը, որտեղ հայը կրկին ողջ աշխարհին ի ցույց դրեց իր միասնական պայքարի հզոր արգասիքը՝ ամրապնդելով անկախության կուռ հիմքերը։ Այսօր մենք ապրում ենք անկախ երկրում, անկախություն, որը միայն փափագ դարձավ շատ ու շատ ազգերի համար։ Ուստի մեր անկախությունը անհամեմատելի վեր է ամեն տեսակ օտար արժեքներից, աշխարհի ամենահեռավոր անկյունում բնակվող հայն էլ պիտի գիտակցի, որ առանց իրեն մեր ազգը լիարժեք չէ, մեր անկախությունը՝ վտանգված։ Պինդ պահենք մեր անկախությունը ու ամեն քայլի ծառայենք մեր անկախ երկրի բարեկեցությանը։

Շնորհավորում եմ բոլորիս, աշխարհասփյուռ ողջ հայերին Անկախ Հայաստանի Հանրապետության տոնի առթիվ»: